تازه ترین مطالب



پربیننده ترین مطالب

کد مطلب: 18245
تاریخ انتشار: ي, 1396/07/02 - 14:19
شعر/ "حسین چی " از وطن داش بیله سواری
شاعر بیله سواری با سرودن شعر عاشورایی با عنوان "حسین چی" ارادت خود را به امام حسین علیه السلام نشان داده است.

به گزارش پایگاه خبری صبح مغان، لطفعلی فکرت از شعرای شهرستان بیله سوار با تخلص شعری وطن داش شعری عاشورایی  را با عنوان "حسین چی" سروده است که در ادامه ان را بخوانید.

 

"حسین چی "

حسین  عالمه   وئردی   یکسر  نوید

حسین حررییت درسین ائتدی پدید

حسین  امر   معروفه   اولدو  شهید

حسین نین   قیامینده مقصد بودور

 

حسین    عشقی   قانیله    معنالادی

حسین  عشقی  پایمال اولا قویمادی

حسین    عشقینه   آبرو    ساخلادی

حسین  نین  قیامینده  مقصد بودور

 

حسین  قلب    عالم  لری    داغلادی

حسین   ظلم   پرونده سین باغلادی

حسین   دینه   پیغمبری    ساخلادی

حسین  نین  قیامینده  مقصد بودور

 

حسین  قلبی  یار ائیله  ساز ائیله دی

حسین  حققه   راز  و  نیاز  ائیله دی

حسین    کربلاده     ناماز    ائیله دی

حسین نین   قیامینده  مقصد بودور

 

حسین    تکلیفینه    عمل   ائیله  دی

حسین  اوز  دینین   مامیله ائتمه دی

حسین وئردی  باش عزتین وئرمه دی

حسین نین  قیامینده   مقصد  بودور

 

حسینین   یولون  گل  حسینن  گئدگ

حسینین   یولون   گل  رعایت   ائدگ

حسینین     مرامین     عمل    ائیلیگ

حسینین   قیامینده   مقصد    بودور

 

حسین  چی  صداقت ده  قالماق گرگ

حسین  چی  کرم  اهلی  اولماق  گرگ

حسین  چی  شرفلن   دولانماق   گرگ

حسینین   قیامینده    مقصد    بودور

 

حسین  چی  اولر  حققه  باطیل دئمز

حسین  چی  اولر  اوزگه مالین   یئمز

حسین  چی  ره  عشقی ده  تیتره مز

حسینین   قیامینده    مقصد   بودور

 

حسین چی حسین سیز یئره طرداولار

گوزو  یاشلی  قلبی   پر از  درد  اولار

حسین چی  ابوالفضل  تک   مرد اولار

حسین  نین   قیامینده   مقصد بودور

 

حسین  چی  حسینیله    بیعت   ائدر

خلاف   اولسا   هر  کس  هدایت ائدر

ضعیفین    حوقو قین    رعایت  ائدر

حسین نین   قیامینده  مقصد  بودور

 

حسین چی حارام  ثروتی خوش لاماز

حسین چی حالال  روزینی بوش لاماز

حسین  چی  کرامت   الین بوش لاماز

حسین نین  قیامینده   مقصد   بودور

 

حسین  چی  یئمز  رشوه نی عار  ائدر

حسین  چی بوغار  نفسینی خوار ائدر

حسین  چی  بئله   زندگی   وار   ائدر

حسین  نین   قیامیتده   مقصد بودور

 

حسین چی اولان ضدد  تبعیض اولار

او پارت   بازلیغا   مرد   پرهیز  اولار

حسین  چی  حقیقت ده   لبریز  اولار

حسین  نین   قیامینده  مقصد  بودور

 

حسین  چی  علی  گونه    رفتار  ائدر

حسین  چی  او   مولا  یولینان   گئدر

گلر    شمع    بیت  المالی    سوندورر

حسین  نین   قیامینده  مقصد  بودور

 

حسین چی اوزون بیل دورنگ ائیله مز

ریاست دن    اوترو   خدنگ    ائیله مز

حسین چی میزاوستونده جنگ ائیله مز

حسین  نین   قیامینده    مقصد  بودور

 

حسین چی اولان نفسه جان جان  دئمز

سوزون  دیلده  بر  عکس وجدان دئمز

حسین  چی  اولان خلقه بوهتان  دئمز

حسین  نین   قیامینده  مقصد  بودور

 

حسین  چی  اولار    معدن    معرفت

جوشار   هر    کلامینده    اینسانییت

حسین  چی ده   غوغا  ائدر حررییت

حسبن  نین   قیامینده  مقصد بودور

 

حسین  چی    امینه   امانت    اولار

حسین  چی   به  کلی  رضایت اولار

حسین چی  وجودینده  رحمت اولار

حسین  نین  قیامینده  مقصد بودور

 

حسین  چی لره  موژده  اولسون نثار

حسین  چی  قیامت ده  موزدون  آلار

به   شرطی    اولا    عشقینه    پایدار

حسین  نین   قیامینده  مقصد بودور

انتهای پیام/

اخبار شهرستان را اينجا ببينيد


دیدگاه شما